في يوم و ليلة- وردة (En une journée et une nuit- Warda) Fi youm ou lila.

كلمات الشاعر حسين السيد
الحان محمد عبد الوهاب

فى يوم و ليلة خدنا حلاوة الحب كله
فى يوم و ليلة أنا و حبيبى دوبنا عمر
الحب كله فى يوم وليلة عمرى ما شفته
و لا قابلته و ياما شغلنى طيفه نسيت الدنيا
و جريت عليه سبقنى هو وفتح يده لقينا
روحنا على بحرالشوق نزلنا نشرب و دينا
فيه و مين يصدق يجرى دا كله و نعيش
سوا العمر كله فى يوم وليلة

********************
ياللى كان طيفك على بالى و أنا بأتمناك مش حتصدق
إيه كان حالى قبل ما القاك كنت بأحسد كل
فرحة أشوفها بين قلبين كنت أغير من أى
نسمة حلوة بين حبيبين
و لما صحيت على حبك و شفت الدنيا من عندك
بأتمنى لو كل العشاق يحبو زى انا ما أحبك
يا حبيبي كنت واحشنى من غير ما شوفك و تشوفنى والقدر
الحلو أهو جابنى و جابك تقابلنى أتارينا كنا تايهين
و لفينا أجمل أيام ليالينا و إحنا فيها لوحدينا
و مين يتصور يجرى دا كله
و نعيش سوا العمر كله فى يوم وليلة
***********************
قالولى أهل الهوى : ياما فيه قلوب مجاريح و حبك
أنت و أنا حيشفى كل جريح بيسألونى لو غبت
عنى أو رحت منى أعمل إيه أحب تانى ؟
مش ممكن أقدر تعرف يا روحى ما أقدرش
ليه هو اللى زيك لو كان فيه زيك فى الدنيا
حد يحب عليه ؟ دى كل حاجة إتغيرت قدام
عينيه و كل شئ فى الدنيا حلو ، أقول و أى
حاجه ألمسها تحلو فى إيديه وده من ساعة
حبك ما جه و سلم على يا حبيبي يا حبيبي كنت
واحشنى من غير ما أشوفك و تشوفنى و القدر
الحلو أهو جابنى و جابك علشان تقابلنى
اتارينا كنا تايهين و لقينا أجمب أيام ليالينا
و إحنا فيها لوحدينا

رائعة الفنانة وردة فى يوم و ليلة
غناء الفنانة الجميلة وردة الجزائرية
كلمات الشاعر حسين السيد
الحان محمد عبد الوهاب